කුකුළු හැවිල්ල රැපියෙල් තෙන්නකෝන්
රැපියෙල් තෙන්නකෝන්ගේ හැවිල්ල නමැති කවි පොතෙන් උපුටා ගත්තකි . ගැමියන් තුළ පවත්නා අන්ධ දේව විශ්වාසය වස්තු විෂය කර ගත් පද්‍ය නිර්මාණයකි . මෙයට අනුභූතිය වන්නේ ගැමි කාන්තාවක සතු කුකුළාව විසින් පැහැර ගෙන යෑම නිසා ඇය කතරගම දෙවියන් වෙත ගොස් කරනු ලබන කන්නලව්වකි . ඇය එහි දී දෙවියන් තම කාර්යය ඉටු කළ හොත් දෙවියන්ට දෙන පුද පඬුරු පිළිබඳ විස්තරයක් ද කරයි . මෙම පැදි පෙළෙන් ලින් කවියා උත්සාහ දරන්නේ සමාජයේ පවතින ගතානුගතික පටු දේව සංකල්පය උපහාසයට ලක් කිරීමයි .
ඇය පළමුවෙන්ම දෙවියන්ට ආමන්ත්‍රණය කරන්නේ කන්නලව්වක ස්වරූපයකිනි .
දුදොනොද බිඳ
ලද තෙද කඳ
කඳ දෙවි රද
සාමිනේ !
තම කාර්යය ඉටු කර ගැනීමේ අපේක්ෂාවෙන් ප්‍රශස්ති ගායනා මල් ලෙසින් ආරම්භ වන මුල් පැදියෙන් ම සහෘදයා තුළ පූජා භූමියක චිත්තජ රූපයක් මවා පායි . ඉන් පසු ව කුකුළා ගෙනගිය සොරු ට දිය යුතු දඬුවම් දෙවියන්ට පෙන්වා දෙයි .
මගෙ කුකුළා නැසූ එකා
දදය ඔබගෙ පාළු යකා
තව එක බුද දිනක් තකා
ඉන්නට ඉඩ නොදී මකා
මෙහි දී කතරගම දෙවියන්ගේ සලකුණ වූ කුකුළා සොරා ගැනීම ඔබ වහන්සේට කළ නින්දාවකි . එසේ හෙයින් බදාදා දිනයක්වත් ඉන්නට ඉඩ නොදී සොරු විනාශ කර දැමිය යුතු යන ස්ථාවරයේ ඇය සිටී .
බලා එල්ල
හෙළුව හෙල්ල
මුලැ ම බෙල්ල
මරු නැගේ .
එහි දී ඇය කතරගම දෙවියන් ගෙන් ඉල්ලා සිටින්නේ බෙල්ල මුල ට හෙල්ල විසි කොට සොරු මරා දැමිය යුතු බවයි . එම කාන්තාව තුළ පවතින කෝපය ද්වේශය ඉස්මතු වන අයුරින් කවියා පද්‍ය බන්ධනය කොට ඇත . මෙමගින් කවියා ගේ අපේක්ෂාව වන්නේ ගතානුගතික ව මේ ගැමියන් තුළ පවතින දේව විශ්වාසය උපහාසයට ලක් කිරීමකි .
කතරගම දෙවියන් තමන්ගේ ඉල්ලීම ඉටු කළහොත් ලබා දෙන තුටු පඬුරු ගැන විස්තරයක් කියැවේ .
රනින් කුකුළු රුවක් පුදමි
රිදියෙන් බිජුවටක් පුදමි
රන් දුනු හී දෙකක් පුදමි
රුවට රිදී රුවක් පුදමි
ඇය මෙම ස්ථානයට පැමිණෙන්නේ පයින් හිඟා කකා ය . පොළොවේ නළලෙ උලා , දිගට ඇදී , මහ හඬින් යුතුව දෙවියන් ඉදිරියේ රත්තරං කුකුළෙක් , රිදී බිත්තරයක් , රන් දුනු හී දෙකක් , රිදී රුවට රුවක් පිදීමට එකඟ වෙයි .
Comments
Post a Comment